ماهو بكيفك ((حمد السعيد))

ماهو بكيفك تواصلنـي وتقطعنـي اما غـلا بيـن او فضهـا سيـره

ياشين لاجيـت تقطـع لاتوادعنـي ليتك تحس الوداع اشلـون تاثيـره

ياماخذ الحب قل فينـي وسمعنـي حب (ن) على كبر صعب ابدل بغيره

ابحتفظ فيك وادري منـت نافعنـي يمكن مع الوقت اقول محبتك خيـره


والله تدري وش اللي معك دافعنـي اني معك كنت امارس آآآآآخر الغيره

واحب فيك البرود اللـي يقاطعنـي لو ماتكلمت صمتك صعب تفسيـره

يالي عليك البشر شفهـا تقاطعنـي منين مااوجه الهقوات لـك سيـره

ياشينها من الخوي قولة تقاطعنـي ماغير شره ولاانت بشافين خيـره

ياشينها منـك لاجيتـك توزعنـي في عذرك الي عليه الظرف تاجيره

شف كبر صبر البشر ماعاد ياسعني واكبر هموم البلاد اشوفها صغيـره

وش جاك مني خطا يومك تبيعنـي تسوقنـي عليـك اسوقهـا جيـره

انا اذكـر الا منـك قلـت دلعنـي القلب هانت على شانك مشاويـره

يامشغل القلب بين تحبني ويعنـي شفني عليك احترق ياسيدي حيـره

مرات اقول اتركك لاشـك يمنعنـي شين يقول اعذره واقبـل معاذيـره

قلت احتفل فيك وادري منت نافعني يمكن مع الوقت اقول محبتك خيـره