قصيده للناجحين ... الفااشلين لايدخلون

الفرح دقت طبوله وعم السرور

........ ومحلى ياليالي الصيف طعم النجاح

النفوس امتلت يوم التخرج حبور

........ وانتشت عقب مافي جهاد وكفاح

يوم حغل التخرج والحبايب حضور

........ والسعد بان بشفاه الخلايق ولاح

البلابل تغنت مع جميع الطيور

........ والشجر يرقص مع هبوب الرياح

والعذارى بغنجهن يشعلن البخور

........ والاماكن ملاها العطر والعطر فاح

ومدت الذكريات اللي بوقت البكور

........ يوم كل على فاله يقوم الصباح

احد في سرور واحد في دبور

........ احد نام واحد طار نومه وراح

راح ينهل معين العلم والعلم نور

........ بين جد وحماس وبين ونس ومزاح

والله ان في الدراسه ذكريات تدور

........ في زوايا خفوق صار كبر البراح

كثر مافي الدراسه من وقوف وعبور

........ كثر مافي الكراسي من تعب وراح

ومرت ايام وايام وسنين وشهور

........ ناس نالوا فلاح وناس مامن فلاح

وعقب طي الصحايف مابه احد معذور

........ من توفق توفق وانتهى واستراح

ومن تعثر عساه اليوم اتلى عثور

........ والعوض في الليالي المقبلات الملاح

الحفل تنحفر ذكراه وسط الصدور

........ وكل ناجح لبس له يوم حفله وشاح

كم وكم طفل في عمر الصبا والزهور

......... ماقدر يوصف بشارة نجاحه وصاح

وكم بنات وشباب بالحماسه تثور

........ نحخوا وكل منهم خف حمله وطاح

عمت الفرحه اشفاهم وزاد السرور

........ واطلقوا للوناسه والسعاده جناح

والله ان النجاح يفوق وصف وشعور

........ وطعمه احلى من الماي الزلال القراح

في ليالي النجاخ تشوف لهفة حضور

........ وكل شي سوى اللي حرم الله مباح

ذاك زين الشباب وذيك بدر البدور

........ كل منهم تهلل واعتلاه انشراح

الف مبروك ياللي بالظفر لك ظهور

........ ياعسى الله يدلك صوب درب الصلاح

ياعسى هالتخرج لك حجاب وسور

........ عن دروب الضلال وجعل دربك سماح

والفرح دقت طبوله وزاد الحبور

........ ومحلى ياليالي الصيف طعم النجاح